AUGUST 01, 2020: State education minister Himanta Biswa Sarma para Guwahati Saturday te khobor dishe koi Assam government khan bhabona kuri ase educational institutions khan toh September 1 para khulibole nimete.
Tai hoilebi koishe ki classes toh open sky te lobole nimete kile koile infection uthibole laga chances toh bishi ase class room bithor te.
Sarma para koishe ki “schools wapas khulibole nimete laga final decision toh central government para lobole ase.”
Sarma aro koishe”enika institutions khan toh August 31 tak bondh thakibole ase etu nimete manu khan tayaru thakibole lageh September 1 para wapas khulibole nimete.
Minister aro koishe”hoilebi Class IV tak classes khan nathakibo. Sarma aro bi koishe “classes khan toh Class V para shuru kuribole ase hoilebi ami khan infection pheli nadibole nimete ami khan manishe classes toh bahar te lobole nimete .
Sarma koishe “judi Class XI toh phujur te loishe koile toh Class XI ke saam te hikahbo.”Tai aro bi khobor dishe ki Class X aro class XII laga students khan ek haafta te char din class lobo aro ek din te tai khan classes toh tin ghonta nimete lobo.
Minister para arobi khobor dishe ki sob teacher aro staff government-funded educational institutions khan laga august 30 tak swab test lobole nimete koishe.
Sarma khobor dishe ki “sob teacher khan tai kahn laga COVID-19 test August 30 bithor te kuribole lageh kuntu toh August 23 para shuru kuribo .test results toh website te upload kuribo.”
government’s directives toh ssa.assam.gov.in te ase aro details khan toh lobole pareh sopschoolplanningassam@gmail.com te email phutaikena.
Minister para aro bi koishe “Judi central government khan para schools khan khulibole dianai koile toh aro ama baba khan bi etu laga khilaaf ase koile toh ami khan para etu decision toh hataidebo.”
Add Comment