Mangaldai, 10 December : Assam laga Chief Minister Himanta Biswa Sarma laga assurance hisap te Mangaldai te proposed Medical College shuru koribo nimite ekta dangor development ahi jaise. Assam laga Governor already Rule 95-A, Assam Land Revenue Rules, 1886 te mention kora Village Grazing Reserve (VGR) land laga de-reservation proceedings shuru koribo approval dise.
Itu approval under Rangamati Mouza, Mangaldai Revenue Circle te, Kamarpara village laga 108 bigha 4 katha 11 lecha land (Dag No. 115, Part) aru 17 bigha 4 katha 4 lecha land (Dag No. 50, Part) milaikina total 146 bigha 1 katha aru 1 lecha medical college, nursing, aru para-medical college nimite allot koribo karone dise. Itu VGR land laga exchange te, equal amount government land village No. 2 Hetou Chapori aru village No. 2 Chaulkhowa te reserve koribo plan ase, juntu Pub Mangaldai Revenue Circle te ase. Itu order Joint Secretary, Revenue aru Disaster Management department Dipankar Deka, eCF No. 552970/2024/38 dated December 7 pora Darrang laga District Commissioner ke inform korise.
Mention kora lage ki, itu medical college demand karibo karone Parliamentarian Dilip Saikia aru Mangaldai laga legislator Basanta Das dangor initiative lobo laga jaise. Itu result te Chief Minister government laga faisla approve korise aru announcement already kora jaise.
“The Sentinel” laga interview te, Mangaldai laga legislator Basanta Das itu development karone Chief Minister ke Darrang district laga manu khan laga taraf pora dhanyobad aru gratitude janai dise. Tai etu bhi hope rakhe ki proposed medical college laga foundation short time te shuru hobo.
Add Comment