Assam: Govt para tea garden laga salary othishe

May 29, 2021. Assam Government para Assam tea garden workers laga daily wages toh Rs 38 othai thishe koishe. Etu daily wages otha toh States te tuita(2) valleys – Brahmaputra Valley aro Barak Valley nemite ase. Brahmaputra Valley te tea garden workers laga poisa othai deya toh puila Rs 167 thaka toh Rs 205 hobo koishe. Etu oper te Barak Valley te tea garden workers laga daily wages puila Rs 145 thaka toh Rs 183 hobo koishe. Friday din te Assam Chief Minister Himanta Biswa Sarma para tea garden workers laga daily wage othai deya toh junai thishe,. Chief Minister Sarma para koishe, “workers unions, gardens managements logot kotha kora beche tea garden workers laga daily wages toh Rs 38 toh February 23 darik para effect koribo. Etu fesla lowa te Brahmaputra Valley te workers khan Rs 167+38 (Rs 205) thakibo aro Barak Valley te workers khan Rs 145 + 38 (Rs 183),”  bapoli koishe. “baki Rs 12 nemite te toh ami khan para stakeholders logot kotha korikena joldi fesla koribo,” koikena  Assam CM Himanta Biswa Sarma para janaishe. May 26 darik laga  notification hesab te State te tea garden workers laga daily wage Rs. 50 othaboli koikena thaka toh cancelled korikena ase. Court para stay order janai deya nemite rokikena ase.