Guwahati, 17 August : Assam Chief Minister Himanta Biswa Sarma kuishey ki itu state toh ekta green energy regime dey julti shift kuri asey.
CM Sarma kuishey ki state government para PM Surya Ghar Muft Bijli Yojna andar dey 1.8MW rooftop solar plants install kurishey.
Itu toh state government para state dey solar energy ke adopt kuriboley promotion karney shuru kurishey.
Technical feasibility approval bhi government para waive off kurishey, 10 kW Rooftop Solar capacity installations karney.
Assam Power Distribution Company Limited (APDCL) para automatically itu sanctioned load ke 10 kW tak enhance kuribo, rooftop solar systems commission kurina.
Rooftop solar plants toh installation laga three din maju dey commission kuribo aro smart meters bhi eku additional payment nathakina beneficiaries ke diwo.
Beneficiaries ke central subsidies piche dey State subsidies ke promptly release
kuribo.
State government para Amingaon dey MSME-Tool Room aro Training Centre dey ekta five-din training program conduct kurishey aro 107 solar technicians ke skill development aro capacity building karney train kurishey.
Distribution Transformer (DTR) augmentation aro notun installations bhi ahi asey, itu scheme laga smooth implementation facilitate kuriboley.
Add Comment