Guwahati, March 22 : Indian Premier League (IPL) 2024 laga bukhar aha dui moina te josh thaka manu khan laga grip set kuribole thaka homoitey, Guwahati tu Rajasthan Royals team nimitey venue hobole aro May moina te duita match host kuribole nimitey pura tayar asey.
2023 te bi, Guwahati laga Barsapara Stadium para Rajasthan Royals team laga duita IPL match successfully host kurisey, ekta Punjab Kings logotey aro dusra Delhi Capitals logotey.
Etu saal bi Guwahati te hobole thaka duita match tu May laga third aro fourth hapta nimitey schedule kurisiley. Punjab Kings aro Delhi Capitals Rajasthan Royals ke face kuribole tayar asey.
Reports hisap te, Royal Multisport laga Executive Chairman Ranjit Barthakur kun Rajasthan Royals laga malik asey, tai para etu khobor confirm kurisey.
IPL tu Friday (March 22) te Chennai te suru hoisey aro first match tu Chennai Super Kings aro Bangalore Royal Challengers majotey hobole asey.
Add Comment