Guwahati, December 28 : Assam laga Guwahati seher te, komsikom 3jun manu “nakli sona” smuggle(illegal tarika para saman ke ekta jaga para dusra jag ate loija) kuribole kosis kora nimitey arrest hoisey.
Etu manu khan ke Wednesday din te Guwahati Railway Station te dhurisey.
Reports hisap te, railway police officer khan logotey ekta illegal saman loijabole kosis kora laga khufiya jankari thakisey aro etu jankari pa hisap te taikhan para talashi suru kuridisey.
Talashi kuri thaka homoitey, taikhan para 3jun suspect thaka manu khan ke boat(nao laga shape te thaka bustu bukha dikhisey. Etu bustu tu sona laga bustu nisna dikhisey hoilebi bhal para checking kora picheyte police para etu bustu tu nakli sona asey koikina janible parisey.
Etu 3jun manu ke logalog arrest kurikina taikhan ke custody te loiloisey.
Etu 3jun manu laga naam tu Pramod Kumar, Bipin Kumar aro Data Ram thakisey.
Police para etu mamla te investigation suru kuridisey.
Add Comment