Guwahati, November 12 : Assam laga Guwahati seher te thaka Jorabat jaga te Sunday din te ekta dangor jui ola te ekjun maiki laga jaan jaisey aro bisi ghor khan juli jaisey.
Murija maiki laga naam tu Sujata Choudhury thakisey.
Etu jui tu ekta dukan laga osor te olaisey aro joldi hi osor te manu khan boha area khan te spread hoijaisey.
Jui ola laga asli karon tu najanikina asey hoilebi jui spread huwa picheyte 3ta LPG cylinder phutisey.
Police aro fire department khan para bisi dukh kora picheyte etu jui ke bujhabole parisey.
Jui ola laga karon ki asey etu janibole laga investigation tu chuli asey.
Etu ghotna huwa picheyte kun bi jokhom kha nohoilebi mora laga report olanai.
Hoilebi, etu ghotna te, lakh opor laga property juli jaisey koikina suspect kuri asey.
Add Comment