Guwahati, April 11 : Etu saal laga May moina te Northeast te Indian Premier League (IPL) action wapas ahibole thaka te, Rajasthan Royals para Guwahati laga Assam Cricket Associaltion (ACA) Stadium te duita home match khilibole thaka nimitey, etu franchise para taikhan laga official website laga through para etu match khan laga ticket nimitey early access registration khulisey.
Guwahati laga Riyan Parag tu tailaga Rajasthan Royals teammate khan logotey May 15 aro 19 te match khilibole asey.
Sanju Samson para chola Rajasthan Royals tu ACA Stadium te May 15 te Punjab Kings khilibole aro May 19 te Kolkata Knight Riders khilibole pura tayar asey aro interest thaka fan khan para etya nijor nimitey Rajasthan Royals’ laga official website te joldi ticket pabole nimitey register kuribo parey.
Etu joldi access pre-regisered fan khan logotey ticket kinibole lga exclusive opportunity thakibo. Aro jitya Guwahati laga Rajasthan Royals home matches te etu khan available korey, dangor general public te taikhan release kuribole ageyte.
Etu moka tu, khas kurikina utu fan khan nimitey faidaman asey kun khan para Guwahati laga Rajasthan Royals’ home matches te picheyte kinibole laga homoitey miss out hobole laga uncertainity nathakikina.
Sob match nimitey ticket laga daam rakha aro ticket bikri kora tu thik homoitey available kuridibo.
Add Comment