Guwahati, January 15 : Sunday rati te, Guwahati laga Basistha area fale 20 years laga aas paas thaka ekjun jawan manu ke ekta gang para hamla kurisey.
Reports hisap te, jokhom kha youth laga naam tu Pankaj Chakraborty thakisey.
Tai para koisey ki taikey Basistha locality te muk laga lagi huwa picheyte 4jun- 5jun manu thaka ekta group para hamla kurisey.
Etu manu khan para dhar hathyar cholaikina, Chakraborty laga forehead, pet aro chehra te biya para jokhom kuridisey.
Chakraborty para agey barikina koisey ki etu gang para tailaga mobile number aro alag saman khan bi chor kurisey.
Jokhom kha manu, Pankaj Chakraborty para Basistha police station te logalog complaint file kurisey.
Police khan para etu ghotna ke loikina investigation suru kuridisey aro etya doshi khan ke bisari asey.
Hoilebi, etya tak tu kun bi arrest huwanai.
Pankaj Chakraborty para etu hamla kora laga picheyte duijun mastermind, Arvind Singh aro Karan Mahato asey koisey.
Add Comment