Assam HS final exams toh July-August te thakibo

June 10, 2021. Assam Higher Secondary Education Council (AHSEC) para Higher Secondary final year (class 12) examinations toh July-August moina te thakiboli junaishe. AHSEC Controller of Examinations – Pankaj Borthakur para letter te lekina Assam pura laga examination centres in-charges logot janaishe. “etu letter te junai ase ke, Assam Higher Secondary Education Council para Higher Secondary Final Examinations, 2021 saal nemite exam toh July/August, 2021, te thakibo”, koikena letter te koishe. AHSEC Controller of Examinations para aro janaishe ke, examination centres  in-charges logot examinations te social distancing neum jolaboli nemite  aro dosura jaga saikena thakiboli koishe. Tuesday din, Assam Education Minister Ranuj Pegu aro alag-alag students’ organizations laga representatives logot meeting korikena state te class 10 aro 12 examinations toh COVID-19 bemari samai thakiboli fesla loishe. Meeting kotom howa beche, Education Minister Ranuj Pegu para class 10 aro 12 examinations toh SOPs bonaikena etu pithor te thakiboli aro janaishe.