Guwahati, October 29 : India laga Vice President Jagdeep Dhankar tu Monday din te Guwahti laga Assam Royal Global University laga third convocation te Chief Guest hoikina mojud hobole asey.
Etu convocation tu Guwahati laga Betkuchi jag ate thaka Royal Global University campus te kuribole asey aro etu ke University laga Visitor, Assam Governor Gulab Chand Kataria.
Assam laga Chief Minister Himanta Biswa Sarma tu guest of Honour hobole asey. Aro tai logotey Education Minister Dr. Ranoj Pegu bi thakibole asey.
Etu event te, pura puri 1197 student ke degree aro diploma dibole asey. Alag alag programme te position dhora manu khan ke 42 gold medal aro 45 silver medal bi dibole asey.
Under Graduate aro Post Graduate course nimitey Student khan ke Gold medal dibole thaka tu etu University te taikhan laga overall performance ke saikina dibole asey. Co-curricular activity khan te bisi bhal perform kora student khan ke 4ta Salvers bi award kuribole asey.
Kunba selected student khan ke Literary Activities te bisi bhal perform kora nimitey Gini Devi Pansari Award, Cultural Activity te bisi bhal perform kora nimitey Sanwarmal Modi Award aro Community Service te bisi bhal perform kora nimitey Baudeo Pansari Award, Mentoring te bisi bhal perform kora nimitey Suresh Kumar Prithani Award aro Sports te bisi bhal perform koras nimitey Hemant Kumar Lohia Award bi dibole asey.
Add Comment