April 14, 2025: Yete ekta jamala uthishe. Rongali Bihu Festivities laga age ate. Grenade aru Gulikhan toh Kumarpura para paishe koishe. Etu Bosti toh Assam laga Tamulpur District te ase koishe. Aru etu toh India-Bhutan Border laga phane ase koishe.
Etu Grenade toh Rasta laga side te. Bag ekta bitor te thakhishe koishe. Yete bisarea pichete. Police khan para, eki bag tehe, 9mm Pistol laga guli bi paishe koishe. Yete Festive ahea homoi te. Chinta khan bi uthea ase koishe.
Yete Tamulpur laga Police khan laga team khan para. Utu jaga khan te aru bisarishe koishe. Officials khan para janai dishe ki, etea taikhan Investigation khan kurea ase koishe. Yete ahibole laga homoi te eku jamala khan nahubo karne.
Etea karne aru, Etu Grenade aru Guli khan toh Active na Defused ase najane koishe. Aru authorities khan parabi. Enika jagate kun charishe. Etu manu ke bisaribole tarika khan bi suru kurishe. Aru enika charea toh, tai laga matlab toh ki thakhishe janibole karne.
Region te Security khan bi uthai dishe koishe. Yete Sunsan aru Aram para Celebrationskhan kuribole. Yete Rongali Bihu laga homoi te eku jamala khan toh ulabole nadibo karne ase koishe.
Add Comment