Majuli te ekta bhir jama huwa jag ate bhasan diya homoitey Assam CM Himanta Biswa Sarma para koisey, “Ami para Kamalabari para Jorhat tak connect kora bridge laga construction kaam chuli thaka tu sabole nimitey jaisey…ami para jana tak tu etu bridge April 2026 tak te complete hoijabo.
Agey barikina CM para koisey ki etu bridge banaikina complete huwa picheyte, duita side te bi rasta laga construction kuntu Rs 400 crore budget laga hobole asey etu bi 2024 te suru hobole asey.
Etu ke jaanch kora picheyte taikhan para etu janibole parisey ki 20% kaam tu complete hoisey aro monsoon(pani gira) season ahibole ageyte komsikom 35% kaam khotom hoijabo.
CM Sarma para koisey, “Amikhan para etu bridge nimitey 72 wells lagi asey. Duita wells ke charikina, alag well khan te kaam chuli asey. Pani gira season ahibole ageyte amikhan para bridge laga kaam tu aro bisi agey barija dikhibo. Ami para department aro amikhan laga contractor khan ke direction disey ki pani gira season naha ageyte amikhan para etu kaam ke bisi agey barabo lagey.”
Etu 6.8 km duita lane thaka lamba bridge kuntu te Majuli (Kamalbari) aro Jorhat (Nimati Ghat) majotey duita approach rasta Rs 925.47 crore para banai asey.
Etu bridge para upper Assam stretch te rasta laga connection bisi bhal para improve kuribole akha kuri asey aro enaka bridge kuntu para Majuli te thaka duniya laga sobsey dangor nudi laga island ke mainland logotey connect kuribo.
Add Comment