June 11, 2021. Assam government para State te Covid-19 restrictions jai thaka toh June 15 darik para toh olop komti koribo, koikena , chief minister Himanta Biswa Sarma para khobor toh janaishe. Chief minister Sarma etu khobor toh Thursday din Sarusajai Sports Complex, Guwahati te 300-bed Covid Care hospital inaugurate kora samai janaishe. “ami khan June 15 darik para konuba restrictions hataboli ase. Aro etu scientific kam hesab te hoikena district hesab te positive rate toh saikena jabo, koikena Sarma para koishe. Sarma para koishe, kaun toh districts te Covid-19 halat toh bhal jai ase etu jaga para soruh koribo koishe. “etu hesab te ami khan para jaga sob te restrictions toh hataboli naparibo, keli koile manuh khan jaan pachaboli lage.” Tai koishe. May 12 darik te state government para janaishe ke, offices, religious places aro weekly markets toh 15 din nemite bondh thakibo aro etu samai 2 pm para 5 am dak pura bondh hoikena kaun be napirabo. May 4 darik te state government para rathi curfew toh 6 p.m para 5 a.m dak othaishe. May 15 darik te government para aro junaishe ke, urban aro osor jaga te 5 km neshina te manuh ke 12 noon para 5 am dak peraboli mana korishe. Etu oper te 12 noon para 5 am dak peraboli bondh, hoilebi vaccinations, medical emergencies aro essential services nemite kula ase koishe.
Assam: June 15 para Covid restrictions halka hobo
