Guwahati, October 4, 2025: Badminton Association Of India (BAI) khan toh etea tayar ase koishe. Yete Yonex Sunrise World Junior Badminton Championship 2025 toh host kuribole. Badminton World Federation (BWF) khan para Tournament toh Sanctioned kurishe koishe. Aru etu toh Assam laga Amingaon, Rajiv Gandhi Indoor Stadium te thakhibole ase koishe. Aru etu toh October 6 para 19 tak thakhibole ase koishe.
Aru khobor dea homoi te. Organizing Committee member Bamang Tago para koishe ki. Etu dangor kaam toh bishi agea jai ase koishe India toh. Yete enika host kuribole parea toh. Etea India te duibar hoishe koishe. Yete Pune te 2008 saal te thakhishe. Aru Northeast Region te toh First time ase koishe.
Etu event te. 35 Countries nishina khan ahibole ase koishe Team Championship te. Aru 43 Countries khan toh Individual Championship karne ahibole ase koishe. Yete Junior khan laga Badminton events te sobse dangor thakhibole ase koishe. Aru Tago toh Arunachal State Badminton Association laga Secretary-General ase koishe. Aru tai para koishe ki. U-19 laga category te 500 upor nishina ahibole ase koishe.
Add Comment