Assam laga 8 jun manuh ke J&K para anishe

May 25, 2021. 8 jun manuh pithor te 1 minor bacha khan ke kam thiboli hesab te mesa kotha koikena Srinagar, Jammu & Kashmir te loikena jowa khan ke Monday din Kokrajhar te wabas anishe koishe. Kokrajhar Superintendent of Police (SP) Prateek Thube para reporters logot koishe ke, 8 youth pithor te tui(2) jun maiki manuh ke Kokrajhar para loikena Srinagar te kam thibo koikena mesa kotha te loikena jaishe. Tai khan ke monjur nathaka alag-alag kam te thalikena thakishe, koikena SP Thube para janaishe. Tai para koishe ke, etu manuh khan para ghor manuh logot koikena police logot complaint thishe koishe. Etu kelaaf te tui(2) jun manuh maiki aro motha Parbhat Kishna Thakur aro Hailu alias Santi alias Reena Basumatary, Runikhata police station pithor Chirang district te ke police para trafficking kora nemite thurishe koishe.