GUWAHATI | November 25, 2018: Bogamati Ambarish Nagar Baksha te ekta bus gaari komti hoilebi 40 bacha khan loikena jai thaka te jui lagise .Etu hadsaa toh Saturday morning 9:00 am nishena te hoishe .Khobor paa hisaab te komti hoilebi 8 ta passenger jui pora jhokom paikena thakishe.Etu jui toh kile lagise etia tak najaneh hoilebi ami khan bhabona kura toh etu jui toh electric short circuit hoikena huwa ase.Etu Bus toh Assam registration thaka te Routs’s Serenga Foundation College laga students khan ke Bagamati te luijai thakishe .Etu hadsaa te student aro teachers khan ke joldi hi hataidishe bus pora dangor hadsaa nohobole nimete.Etu students khan toh Bagmati Indo-Bhutan border osor te picnic nimete jai thakishe .Etu jaka te thaka manu khan spot te jaishe aro jhokom paa manu khan ke hospital te luijaishe .Aro 5 ta fire engines khan ahikena etu jui toh komti kurikena ek ghonta pichede ,Police koikena janaishe.Police khan etu hadsaa te chan bin kuri ase aro regional transport office (RTO) ke kotha koi ase .
November 25, 2024
World's First and Only Nagamese Newspaper
Add Comment