Guwahati, January 14, 2026: Assam laga Chief Minister Himanta Biswa Sarma toh January 15 te Tripura te ahebole ase, Tripura laga Sundari Temple te jabole, Gomati district laga Udaipur te, tai tateh puja kure bole ase koishe.
BJP laga kumba sources hesab te, Sarma toh Agartala laga Maharaja Bir Bikram Airport te 4 pm te punche bo. Airport para ceda Tripura Sundari Temple jabole ase. Tateh puja kurea piche te, Assam laga CM toh wapas Agartala ja bo 7 pm phane. Aro utu rati toh tai capital te he buhe bole ase, tai toh Tripura laga Chief Minister Dr Manik Saha aro alak BJP leaders khan logo te mele bole be ase koishe.
January 16 te, Sarma toh Agartala para olai jabo, 10 am phane. Security khan othai deshe koishe, Agartala aro Udaipur te, Assam laga CM ahe bole karne. Aro extra police khan duty te patha ase bhal para jabole karne.
Add Comment