Guwahati, March 19 : Assam laga Guwahati seher tu duniya laga sobsey bisi polluted(hawa letra thaka) seher laga list te second position te asey. Etu tu 2023 World Air Quality Report by IQAir para reveal kurisey.
Guwahati seher te pollution level bara tu alag alag karon nimitey asey, Construction laga kaam barithaka para bi dust pollution baraidisey aro gari laga traffic baraidisey.
Assam laga Guwahati seher laga pollution level tu World Health Organization (WHO) para recommend kora level para dos guna bisi asey.
Etu majotey, Bihar laga Begusarai jaga tu duniya laga sobsey bisi polluted(hawa letra) thaka rajya te top spot te asey. Second te Guwahati seher asey aro etu picheyte Delhi, Mullanpur aro Pakistan laga Lahore tu top 5 polluted seher majotey asey.
Asurit kuridiya kotha tu, duniya laga 10ta sobsey bisi polluted seher ranking majotey 9ta seher tu India para asey. Aro 42 Indian seher tu top 50 majotey asey.
Etu list para India te hawa laga quality ke loikina chinta uthai di asey aro India ke duniya te third sobsey bisi polluted desh banai asey.
Etu jankari khan para air pollution ke address kuribole nimitey logalog kadam uthabole aro public laga health ke raksha kuribole laga urgent jarurat ke underscore kuri asey.
Add Comment