Guwahati, November 28 : Assam laga Opposition party khan para koisey ki central government para Citizenship (Amendment) Act (CAA) lagu kuribole nimitey ki kadam uthaisey koilebi etu laga khilaf te jabo. Etu tu Union MoS for Home Ajay Mishra para etu legislation laga akhri draft tu aha saal laga March moina para tayar hobole akha kuri asey koikina kuwa picheyte hoisey.
Taikhan para koisey ki rajya laga manu khan tu ekta ‘unconstitutional’ kanoon lagu kuribole laga eku kosis ke bardash nukuribo kuntu toh Assam Accord of 1985 laga provision laga khilaf te jai. Mishra para Sunday din te West Bengal te Mauta community khan ke bhasan diya homoitey koisey ki CAA lagu kuribole laga process laga speed barisey aro final draft tu aha saal laga March moina para ready hoijabole akha kuri asey.
CAA laga maksat tu December 31, 2014 para India te gusa Bangladesh, Pakistan aro Afghanistan laga Hindu, Jain, Christian, sikh, Buddhist aro Parsis khan ke Indian citizenship dibole laga asey.
Add Comment