GUWAHATI | May 7, 2019 (IANS):Assam laga Lok Sabha polls khotom hoikena states khan etia aha moina khali hobole thaka Rajya Sabha seats nimete sai ase .
Etu seats khan toh senior Congress members, former Prime Minister Manmohan Singh aro politician Santiuse Kujur para thurikena thakishe .Tai khan laga term toh June 14 te khotom hobole ase .
Sources khan khobor diya hisaab te Election commission khan para joldi hi ekta notification dibole ase etu duita seats nimete election lobole nimete .
Asom Gana Parishad (AGP) khan para Bharatiya Janata Party (BJP) ke yaad kuraidishe etu duita parties khan majhotte agreement sign kura te Lok Sabha Polls nohoa akhe te .
AGP khan para BJP khan ke 10 Lok Sabha seats nimete modot kurishe aro tai khan 3 seats nimete contest kurishe ,Aro tai khan aro manishe AGP ke Rajya Sabha laga ekta seat toh dibo koikena janaishe.
Etia Congress khan candidate ekta bi na dhalibo nishena ase etu bar kile koile toh number khan nalageh candidate khan jitibole nimete Senior party leader koikena janaishe .
Rajya Sabha seats jitibole nimete ekta candidate 43 votes lageh .Aro congress khan logote house te khali 25 legislators ase .Aro All India United Democratic Front logote khali 13 legislators ase .
126-member Assam Legislative Assembly te Bjp khan logote 61 legislators ase .Tai khan laga allies AGP aro Bodoland Peoples Front (BPF) logote 14 aro 12 members ase . BJP-led alliance khan ke Independent legislators modot kuri ase .
Add Comment