GUWAHATI | March 5: National People’s Party (NPP) laga President aro Meghalaya laga Chief Minister, Conrad Sangma pora Wednesday te party laga Assam unit toh ekta public meeting te launch koribo.
Dilip Bora toh Sunday te Conrad Sangma pora party laga state convener karne junise. Bora, ekjun retired IPS officer, toh pohoila AGP logote thakise.
The Telegraph logote kotha koriya samoy te, Bora pora koise, ‘Moi khan party laga state unit toh moi khan laga national president pora Dispur laga Ganesh Udyan te ekta public meeting te Wednesday te launch koribo’.
Bora pora koise ki tai khan Meghalaya te government thakiya charikena, NPP logote etiyajarta aalag northeastern states — Manipur, Nagaland, Mizoram aro Arunachal Pradesh te MLAs ase.
Tai pora koise ki ahiya Lok Sabha election te Assam pora NPP toh pohoila bar khara koribo.
Assam te NPP ke besi khusi pai kile koile Conrad Sangma pora Citizenship (Amendment) Bill logote khilaf besi dagot pora khara koriya nimite.
Meghalaya chief minister ke jowa mohoina LGBI airport te hero laga welcome dise kile koile Rajya Sabha te etu Bill halibole ke tai pora deri koriya nimite.
Conrad, kono pora etu bill logote khilaf korikena Northeast laga sob political parties khan ke milai se, ke tai laga kam nimite khusi powa janai dise.
North East Students Organisation (NESO) pora loikena AGP tak, kono pora bill laga mamla te BJP logote rista dutai se, sob manu pora Conrad ke aage te khara korike na lead koriya nimite dhanyabad dise.
Bora pora koise ki dangor political parties kahn sob besi ulta howa dekhi ase hoilebi NPP toh sob jaat, dharam aro neum laga manu khan nimite khara koribole mon ase aro manu khan nimite opai khuli bole mon ase.
NPP toh pohoila 1990s te Manipur pora olaise aro tai khan logote etu samoy te teenta MLAs thakise. Saal piti kena jowa samoy te, party toh kam nakura hoi jaise. Late P. A. Sangma pora Nationalist Congress Party (NCP) pora olaikena Npp laga Meghalaya unit toh August 24, 2012 te bona bicchete, etu party wapas othise.
Add Comment