Uttarakhand, 11 February : 38th National Games laga Monday te Assam karone mila-mila luck dikhai dise Uttarakhand te. Mahila laga netball team semifinals te entry korise, kintu men’s table tennis team competition para bahar hoi jaise.
Table tennis te, Assam laga men’s team group stage para aage na jai parise, karone Tamil Nadu aru Telangana logot dukhon match hari dise. Assam ke semifinals te jabo karone last dukhon group matches te sirf ekta match jiti le lage thakise. Kintu, Telangana logot 1-3 aru Tamil Nadu logot 0-3 para hari gane campaign khotom hoi jaise.
Dusra side te, Assam mahila laga netball team medal laga hope alive rakhi gane semifinals te pohchi jaise. Sobhe Punjab ke 26-18 para stun korise, aru bikal te Karnataka ke 26-16 para harai dominant victory dikhaise. Assam laga final group-stage match Delhi logot Tuesday te hobo.
Add Comment