GUWAHATI , August 3, 2019 : Delhi Police aro Delhi Commission for Women (DCW) laga joint team khan para New Delhi’s GB Road’s red-light area para ekta assam maiki ke bachaishe.
Etu maiki ke joborjosti prostitution te luijaishe miscreants khan etu bi tai laga saat sal maiki bacha ke hostage rakhikena .
Police aro DCW laga joint team khan para etu pichede Wednesday rati te raid marikena etu maiki ke bachaishe.
Etu te Kotha Number 40 laga malik Mahanta ke thurishe police khan para etu assam laga maiki prostitution kuribole diya nimete.
Police aro khobor dishe ki “duita juwan chokra Farah Deepak bi etu sex racket te thakishe.”Police koishe ki”Etu maiki laga mota murijaa pichede etu maiki toh aro bi wapas shaadi kurishe .Ek moina akhe te tai New Delhi te aishe tai laga mota laga saathi Deepak logote.”
Police aro koishe ki”Deepak para tai ke wada kurishe kaam dibole karne hoilebi tai para etu maiki ke Farah ke bikhri kurishe.”
“Etu victim para tai laga kisaa kuwa time te koishe”Mui ke wada kurishe kaaam dibole nimete aro tai khan koishe mui laga maiki bacha ke hostel te rakhikena ase .Hoilebi etu nohoa nimete mui hala kurishe.”
Maiki para aro koishe”Hoilebi tai khan para mui ke dhamki dikena mui ke joborjosti prostitution te phutaishe.”
Add Comment