Agencies: Sunday te police para maiki doctor opor te hamla kura duita manu ke dhurishe. Etu duita manu para maiki doctor ke Digboi Golai area, Tinsukia district te hamla kurishe. Etu ghatna toh Saturday te huwa baro (12) ghonta Assam bandh huwa samay te hoishe.
Police para arrest kura duita manu laga naam toh Jintu Mouth (24 years) aro Bipul Buragohain (37 years) ase.
Dr. Divya Borthakur toh Coal India te kaam kura doctor ase. Digboi Golai area te protestors khan para Dr. Divya laga gari te hamla kura samay te Dr. Divya jokom hoishe. Assam te baro (12) ghonta bandh huwa toh Tai-Ahom Yuva Parishad Asom (TAYPA) para kura ase. TAYPA toh tai khan laga community nimite ST status demand kuri ase aro Citizenship (Amendment) Bill, 2016 toh hatabole demand kuri ase.
Dr. Borthakur toh Margherita laga Coal India hospital te suku (eye) specialist ase.
Dr. Borthakur koishe tai laga chehera te jokom hoishe. Etu toh bandh supporters khan para tai laga gari te hamla kura samay te hoishe.
Khobor hesab te Dr. Borthakur para tai laga mota ke Digboi Civil hospital te chara pichete Dr. Borthakur toh Margherita tea hi thakishe. Etu samay te tai opor te hamla hoishe.
Saturday te huwa bandh nimite Assam te manu khan bishi dikdar paishe. Alak alak jaga te ghatna huwa laga bhi khobor paishe.
Dr. Borthakur para Digboi police station te FIR lodge kura nimite duita manu ke toh police para dhurishe.
Add Comment