Assam, Meghalaya, Sikkim te Cyclone ‘Yaas’ ahibo

May 25, 2021. Cyclone ‘Yaas’ toh Northeast states ahiboli ase, koikena Monday din IMD officials para junaishe. Cyclone para Assam, Meghalaya aro Sikkim jaga te May 26 aro May 27 darik te besi tangor paani loikena ahibo koishe. India Meteorological Department (IMD) officials para koishe ke, paani laga takot toh cyclone pera rasta oper te thikibo. Assam Chief Minister Himanta Biswa Sarma para janaishe ke, “Cyclone ‘YAAS’ 26-27 May te northeastern jaga te ahibo, etu nemite chie minister para Hon’ble Union Home Minister, Amit Shah logot Assam, Sikkim aro Meghalaya states nemite saikena hoshari kam koriboli janaishe. “khobor hesab te emergency services toh kam te lakaina ase, Hon’ble UHM logot ami khan laga jaga nemite bapana kora para besi kushi ase,” koikena chief minister para koishe. Tripura laga AMD Director, Dilip Saha para  koishe ke, northeastern jaga besi te halka paani ahibo.   “konuba jaga te toh besi tangor paani ahibo, hoilebi, Cyclone ‘Yaas’ para loikena aha paani aro hawa toh takot aro rasta oper te ase,” koikena Saha para janaishe. Guwahati laga National Disaster Response Force (NDRF) 8 teams khan ke Odisha te jaikena operation koribo nemite hawa-jahas para loikena jaishe. NDRF 1st Battalion Commandant H.P.S. Kandari para janaishe ke, Odisha government para NDRF toh 50 teams neshina mangkishe aro etu samai West Bengal government para NDRF 35 teams mangkishe. Assam aro Bihar laga NDRF battalions teams khan ke Odisha te loikena jaishe aro West Bengal nemite etu states te battalions thakai khan ke loishe. Etu teams pithor te 200 manuh khan toh engineers, paramedics, technical experts khan ke Guwahati para Bhubaneswar te Indian Air Force aircraft para loikena jaishe koishe. Teams khan laga hath te flood rescue boats, collapse search aro specialist rescue operation saman samil ase koishe.