Assam minister para rifleman Pranab Jyoti Das ke saman korishe

PATHSALA : Saturday din, 6 Assam Rifles laga Rifleman Pranab Jyoti Das ke President Ram Nath Kovind para Shaurya Chakra saman korishe aro etu oper te Assam food & civil supplies minister Ranjeet Kumar Dass para Pathsala te kushi powa janaishe. Rifleman Das ke tai laga bosti Gobindapur, Assam’s Bajali district alag-alag organizations para warm greetings korishe. Pranab Jyoti Das toh 6th Regiment of Assam Rifles te rifleman ase, tai ke President Kovind para mon tangor aro kamyaab powa nemite Shaurya Chakra saman korishe. 2020 saal te, Pranab Jyoti Das aro tai laga team para Arunachal Pradesh te NSCM (IM) logot larai korishe aro tai khan laga team member ke loikena ahishe aro etu samai ekta Assam Rifles braveheart aro 6 jun militants ke morishe. Etu hatsa toh Arunachal Pradesh laga Longding district te howa ase koishe. Pranab para tai laga bosti youth logot mon thikena sports aro dosura nejor kam korikena bosti toh nam tangor hoboli koishe. Minister Ranjeet Kumar Das para state government nam te Gamosa aro Sarai thishe. Minister para rifleman Das laga bhal kam aro notun district ke nam tangor ani-deya nemite besi tangor kushi janaishe. Patacharkuchi Press Club, Pathsala Press Club, konuba women organizations aro local organisations, Pragjyoti High School para be rifleman ke saman korishe.