Guwahati, February 21 : Assam Minister for Water Resources, Information & Public Relations Pijush Hazarika para Assam Legislative Assembly session laga sideline te reporter khan ke Congress, AIUDF aro Sivasagar MLA Akhil Gogoi majotey secret understanding(lukaikina buja buji thaka) laga kotha koikina sawal kurisey ki etu 3-jun tu ahibole thaka Lok Sabha election te laribole nimitey aro ekbar ek-sath milibo na nai.
February 21 te, media ke kotha kora homoitey minister Hazarika para koisey, “Congress aro AIUDF tu poila laga election khan te sathi thakisey. Poila laga election khan te bi amikhan para Congress-AIUDF ke ekta alliance hoikina ek sath aha dikhisey, taikhan tu khula khuli election te ekta hoikina bhak loisey. Election harija picheyte, taikhan duijun bi ekjun ekjun ke botnam diya suru hoisey aro enaka kurikina taikhan laga gatbandhan tu bhangi jaisey. Amikhan para aro ekbar etu duita party ke Rajya Sabha election homoitey ek sath aha dikhisey. Etu homoitey Akhil Gogoi tu achanak para ahikina AIUDF ke accuse kora suru hoisey. Taikhan tu AIUDF ke communal(jati nohoilebi dhorom majotey differentiate kora) huwa laga iljam lagai thakibo. Badruddin Ajmal tu sobsey dangor communal manu asey. Hoilebi aji Vidhan Sabha laga bhitor te amikhan para ekta alag roop dikhisey.”
Etu picheyte Minister Hazarika para koisey, “ Ekjun AIUDF MLA para Gorukhuti project ke loikina ekta sawal uthaisey. Aro kun para support kurisey? Congress, CPM aro Akhil Gogoi para. Amikhan nimitey etu tu ekta hasibole laga topic asey. AIUDF MLA bi bahar olanai, hoilebi Congress aro AIUDF laga pura party representative tu Assembly house para bahar olaijaisey.”
Congress, AIUDF aro Raijor Dal chief Akhil Gogoi laga harkat ke doubt kurikina, minister Hazarika para iljam lagaisey ki etu 3ta majotey ekta secret samjhota asey.
Minister Hazarika ke Congress laga ajikali laga halat te sawal kora homoitey tai para enaka koisey, “Congress aro AIUDF TU Lok Sabha election laribole nimitye aro ekbar eksath ahibo? Ami tu Congress laga nijhi politics laga bari te eku kobole mon nai kilemaney taikhan tu poila para hey giribole laga halat te asey. Etu nimitey etu te comment kora laga eku faida nai.”
Ageyte, AIUDF leader Aminul Islam para Assam Legislative Assembly House te Assam te government agricultural project – Gorukhuti project laga sawal kurisiley. Government laga taraf para jawab pa para satisfy nohoikina, AIUDF tu Congress logotey milikina Assembly House para bahar olaijaisey.
Etu ghotna laga kotha koikina, AIUDF leader Hafiz Rafizul Islam para koisey, “ Amikhan tu hodai Assam laga manu khan nimitey milikina larayi kuribole mon thakisey. Opposition tu manu khan laga mamla te eksath asey. Aji, AIUDF leader Aminul Islam para laga government agricultural project, Assam- Gorukhuti project laga ekta sawal kurisey. Dui saal ageyte, 2000-2500 parivar khan ke jaga banabole nimitey tatey para hataidisey aro taikhan ke beyghar banaidisey…Juwa dui saal te, government para tatey Rs 18-19 crore poisa release kurisey…Hoilebi income tu khali Rs 2.5 crore hey thakisey..Etu nimitey, amikhan para etu sawal uthaisey, taikhan ke etu project bon kuridibole koisey aro tatey laga kisan khan ke modod dibole koisey…Hoilebi Government para mon satisfy huwa laga jawab diyanai..Amikhan bahar olaijaisey aro Congress para amikhan ke support kurisey.”
Add Comment