Assam-Mizoram border osor te bomb blast hoise

Agencies, 08 November: Mizoram laga Kolasib district, Phainuam Buarchep village in Vairengte te bomb blast toh ekta lower primary (LP) school te hoise.

Etu hapta para kon ke be jokhom powa khobor toh nai. Etu hatsa howa jaga toh Mizoram-Assam border para 300 metres dur te hoise.

Police khobor hisaab te, najana manu para scool te bomb blast toh Saturday te korise. Vairengte Police Station para case toh register korise aro investigations toh jai ase.

October 22 direk te, najana manu para inter-state border osor Dholakhal village laga ekta Bengali medium LP school te bomb blast kora thakise.

Assam government para school te blast toh Mizoram laga manu miscreant para kora ase koise. Aro Mizoram police para etu criminal kaam toh centre para support pabo karni neighbouring state laga kaam ase koise.

Police para be tuita states majode border chamela thaki thaka majode Mizoram laga naam beya koribole kora ase koise.

Mizoram deputy inspector general of police (Northern Range), Lalbiakthanga Khiangte para etu hatsa toh Saturday laga 1.25 am nesana te hoise koise. Etu LP school toh Assam government para bona laga ase koise.

Khiangte para be Mizos manu khan toh shanty aro morom manu khan ase koise aro police records hisaab te enaka galdi kaam te mela ektum para ektum komti ase koise.

October 9 direk ketiya Assam laga Karimganj officials para Thinghlun village in west Mizoram’s Mamit district osor mathi chamela jaga te farm hut aro plantation beya korise etu samai tuita states majode border chamela otha thakise.

Tension otha toh October 17 laga rati, chamela samai Vairengte laga residents para besi temporary bamboo huts aro stalls joladeya para thakise. Etu time te komti hoilebe Mizoram aro Assam para olob tusara manu khan chamela/laga-lagi para jokhom powa thakise.

Home secretary aro district administration level te besi par kotha toh korise hoilebe etiya tak etu chamela jaga te shanty toh anibole naparikena ase aro October 28 direk samai para be Assam’s Lailapur  te protesters para national highway 306 bondh korise.

Saturday te Assam’s Barak Valley te protesters para 120hour strike manaishe. Etu toh etu par Mizoram para ekta manu mora opor te protest koribole nemide thakise.

Standoff thaki thaka nemide central forces toh tuita state laga chamela border te pothaikena (deployed) ase.