June 20, 2021. Assam government laga bapana hesab te June 21 darik para hotai din vaccination programme samai 3 lakh manuh logot vaccine thiboli ase koikena chief minister Himanta Biswa Sarma para Saturday din junaishe. Chief minister para koishe ke, vaccination programme pithor te hotai din state te 3 lakh manuh ke vaccine thibo, etu nemite district administrations ke campaign kamyaab hobo nemite infrastructure tayar te thakiboli janaishe. 34 districts laga Deputy Commissioners (DC) aro District Superintendent of Police logot via video conferencing te meeting kora samai koishe. Sarma para health department logot be etu awareness kam toh public ke janai thiboli koishe. Tai para aro koishe ke, government employees para loikena dukan wala dak logot vaccine loboli janaishe. Health official para janaishe ke, June 21 darik para loikena Centre para 18 umer oper manuh logot vaccine toh free para thiboli koishe. Tai para aro health department ke staff manuh sob nemite Rs 100 toh vaccination nemite transportation thiboli janaishe. Sarma para DCs logot etu manuh khan nemite khana thiboli koishe. State pura te 2,000 vaccination centres oper bonaikena vaccination programme thakiboli ase. Assam laga 3.30 crore population pithor te 53.20 lakh manuh ke vaccine thikena ase aro etu pithor te 10.55 lakh manuh neshina khan tuita(2) Covid doses toh be loikena ase janaishe.
Assam: Monday para hotai 3 lakh manuh ke vaccinate thibo
