Assam: Mosque te hamla, rape protest karne tension ola ase Kokrajhar te

Guwahati, January 11, 2026: Beshe hamla laga mamla report pai she Kokrajhar town te, January 11 te, ekta demak thik natha kea maiki ke rape kurea laga protest logo te connection ase koishe. District administration khan para prohibitory orders khan hale de she, Bharatiya Nagarik Suraksha Sanhita (BNSS) laga Section 163 betor te. Reports khan laga hesab te, Kakrajhar town laga mosque ekta te hamla hoi she rati te, kumba manu khan religious slogans khan hala kure kena hamla kure she, aro saman khan bea kure de she koishe. Window aro dorja khan bangai de she koishe.  Etu kile hamla hoi she koile toh, manu khan protest kure thake she, Rafikul Islam para ekta maiki kun dimak thik thake nai, tai ke rape kure de she koishe. Town laga alak alak jaga khan te manu khan protest kure thake she koishe. Rati te, ekta picnic laga bus, bus laga nam toh Ma Sarada r=thake she, etu laga opor te be hamla kure she. Etu bus te students khan thake she, aro beshe toh jokhom pai she koishe, aro tai khan ke sob se osor clinic khan te loi jai kena sai de she koishe. Mamla toh bea hoi ja karne, district laga administration para Section 163 BNSS hale deshe. Security khan hale deshe, kute beshe jamala ola ase. Vishwa Hindu Parishad (VHP) khan 12 ganda laga bandh thake bo ko ase, Wednesday te, tai khan demand kurea ase strict action lobole, kun utu rape case te thake she.