Assam, February 2, 2025: Assam aru Nagaland laga Students khan tooh 3da din karne exchange programme thakhishe koishe, yete taikhan laga theme toh ‘Discovering Neighbours’, etu laga asol tarika toh yete border te mili kina thakhibole, aru Assamese aru Nagas manu laga bitor te sunsan thakhibole nimete ase koishe.
Yete 3da din laga Student exchange programme toh February 1 din te, Border Peace Coordination Commmittee (Assam-Nagaland) Khan Friendship Forum (Tembayim Committee, TATT, Tzurangkong) aru District Administration of Jorhat aru Mokokchung khan logote mili kina suru kurishe nahoilebi khulishe koishe, etu toh Nagaland, Tzurangkong, Government High School te thakhishe koishe.
Yete sob milai kina Assam laga duita school milai kina 30 students aru Tzurangkong laga Government School para 30 students nishina thakhishe koishe.
Yete tai khan logote te parents, guardians aru teachers khan thakhishe koishe, yete Assam laga Students laga hosted families Chungtiayimsen, Watiyim aru Host Schools laga teachers khan bi thakhishe koishe.
Yete etu exchange programme te Poila zamana Assam-Nagaland Border laga story khan koishe, duita state laga heritage khan, yete jawan khan laga dimak khan ekta kuribole khushish kurishe, aru ahibole laga homoi te duita state te susan khan thakhibole nimete ase koishe.
Add Comment