KOKRAJHAR: Kokrajhar district laga Neha Thapa ke State Youth Parliament, Assam laga contest jitishe aro Debashis Saha Golaghat district aro Pratik Parmey Kamrup Metro ke second aro third runnersup thakishe.
Etu khobor dikena Sayed Ali, state director Nehru Yuva Kendra Sangathan, Assam, para koi kena janaishe State Youth Parliament toh January 3 2021 virtual mode para loishe.
Etu parliament te assam laga 33 distircts para 60 youths khan bhaagh loishe.etu laga result ola toh 3 member jury laga judgement hisaab te thakishe.
Etia etu te bhaagh luwa manu khan ekta opportunity pabo air India para new Delhi te jabole nimete.
state director Nehru Yuva Kendra Sangathan (NYKS), Assam para koikena janaishe”ticket toh air India website nohoile toh IRTC para kinibole paribo etu para traveling expenditure laga reimbursement toh New Delhi te spot te dibole paribole nimete.”
NYKS, Assam director para koi kena janaishe Etu te dusra formalities khan bi ase kuntu toh email aro whatsapp para share kuribo jita manu khan ke tai khan laga kagooz ke finalize kuribole nimete .
Jita manu khan ke hokum dishe tai khan bhaagh luwa toh confirm kuribole nimete national parliament te email para zdnyksguwahatiPgmail.com te.
state-level parliament laga jita manu khan ke chance dibo parliament laga central hall te kotha kuribole nimete aro 2nd aro 3rd runnersup khan ekta chance pabo etu parliament te bhaagh lobole nimete.
Etu parliament luwa laga main aim toh youth khan ke buijai dibole nimete ase desh laga alag alag social issues khan te.
ministry of youth welfare and sports para January 13 te central hall Parliament house te national youth parliament lobo.
Add Comment