GUWAHATI | NOV 29, 2019: National Investigation Agency (NIA) para Thursday din te Bubul Moran aro Binanda Dahotiya, members United Liberation Front of Asom (ULFA), laga khilaaf Unlawful Activities (Prevention) Act bithor te 2018 case kuntu te ekta bondukh thurikena najaana manu khan army combat dress lagaikena Bichanimukh Kherbari village te paanch jun manu ke muraidishe .
Bubul Moran alias Tiger Asom, 26, aro Binanda Dahotiya alias Swadesh, 24Tinsukia Assam te thaka manu ase .
Etu duijun manu laga khilaaf cases toh Sections 120B, 121, 121A, 302 aro 307 IPC, Sections 25(1A) aro 27 Arms Act aro Sections 10, 16(1)(a), 18, 20, 23(1), 38 aro 39 Unlawful Activities (Prevention) Act bithor te registered kurishe.
NIA para statement te koishe “November 1, 2018, 7 pm, nishena te unknown armed men laga group khan army combat dress, lagaikena aro much toh kala kapra para bondh kurikena Bichanimukh Kherbari village te ghussise .”
“Etu armed men khan para choita bosti manu khan ke matikena tai khan ke SaukaNala, uporte thaka iron bridge te luijaishe .Tai khan ke joborjosti raasta te uthibole dishe aro tai khan ke guli marishe etu para paanchta bosti manu ke muraidishe .Etu sixth bosti manu toh bachise aro bondukh laga awaz hunikena girishe.”
Statement te koishe “Chan bin kura time te janishe ki etu terrorist khan toh proscribed organisation ULFA laga active members khan para kurishe.Chan bin kura time te etu accused manu aro tai khan laga associate khan laga conspiracy toh janishe.
Add Comment