Guwahati, September 29, 2026: National Investigation Agency (NIA) para choi jun manu ke geraftar kure she Assam laga Barpeta district te, tai kha anti-national aro jihadi laga kam khan kure thake she, officials khan para enia koi she. Federal agency para Monday rati te besare bole laga operation shuru kure she Howlu, Barpeta Road aro Sorbhog police stations laga jaga betor khan te, officials para enia koi she. Operation te, NIA para tin jun manu ke Sorbhog police station area te para dure she, dua jun ke Barpeta Road te aro ekta toh Howly te para. Geraftar ho khan laga nam toh Faruk Abdullah, Zakir Hussain, Chandbar Ali, Mustafizur Rahman, Yakub Ali aro Rakibul Islam. Officials khan laga hesab te tai khan jawan manu khan ke radicalise kure bole khushesh kure thake she Barpeta district te.
Assam: NIA para choita manu ke geraftar kure she Barpeta te, jihadi laga kam kurea karne
