Guwahati, January 12 : North Cachar Hills Autonomous Council elections te ekta faisla kuridiya laga jeet te, Bharatiya Janata Party (BJP) para jeet hasil kurisey. BJP para Assam laga Dimao Hasao district te etya tak declare kora 28 seat majotey 13 seat hasil kurisey.Etu election u 13th wala election asey aro etu te jordar campaign kora, kara security kadam utha aro Assam laga Chief Minister Himanta Biswa Sarma active para shamil huwa dikhisey.
Friday din laga phujur fale, security baraikina thaka majotey, vote laga ginti suru kurisey. 28 jaga bhitor te, 22 jaga te voting hoisey aro 6jun candidate tu taikhan laga khilaf te election lara manu nathakikina jitisey.
Assam State Election Commission para 100 voting station ke ‘khatra thaka’ aro 27 ke ‘bisi khatra thaka’ jaga identify kurisey aro etu jaga khan te nigrani baraidibole laga jarurat thaka tu janaisey. Election process ke smooth aro suraksit banabole nimitey polling official jaiseki zonal magistrate, sector official, presiding official aro police khan ke dita phase te execute kurisey.
Etu election laga campaign te Assam Chief Minister Himanta Biswa Sarma para bisi dangor role nibhaisey, tai tu ekdam josh para BJP nimitey campaign kuri thakisey. Tai para ilaj kora laga subidha baraidibole, rasta laga connection behtar banabole aro pahari district ke tourist khan aha jag ate bodli kuridibole laga kosom te focus kurisey. Sarma para 2022 te landslide huwa picheyte aro COVID-19 laga diktar homoitey sarkar para transportation(aha juwa kora laga) link ke wapas thik kuribole kamyab huwa tu bi janaisey.
Add Comment