Assam: Nutun Jonom hoa. Bacha maiki laga body paishe

Golaghat, March 6, 2026: March 6 din te. Assam laga Golaghat District, Merapani Bosti te. Nutun jonom hoa laga. Bacha maiki laga dead body toh paishe koishe. Yete para local manu khan shock kurishe.
Local manu khan laga khobor hisab te. Etu bacha laga body toh Plastic laga bag bitor te thakhi kina paishe koishe. Etu toh Merapani laga Bhakat Gaon phane. Ghor ekta laga pichete paishe koishe. Bosti manu khan body toh plastic bag para cover kuri kina thakhea toh dikhi paishe koishe.
Yete body pa te. Bosti manu khan utu jagate bishi jama hoishe. Aru Merapani Police Station laga Police khan jagate phat ahishe koishe. Aru olop pichete body toh Police khan para uthai loishe koishe. Yete Investigation khan kuribole nimete.