Guwahati, Janaury 6, 2025: Janaury 6, Tuesday laga suba te, Dibrugarh district te aro ekbar oil laga pipeline phute she, Shalmari Dighalia, Tingkhong area te, etu phute laga ja rati te be, etu osor te enia he pipe phute she. Local khan laga hesab te, 10 am laga osor te, pipe toh phute she, oil khan toh beshe olai thake she koishe beshe pressure para. Bosti manu khan beshe munduk aro buea kha ase koishe. Locals khan Oil India Limited (OIL) ke enzam dea ase, tai khan bhal para pipe khan sa nahoi koishe. Aro ja kali pipe phutea laga repair be bhal para banai nai koishe.
Bosti manu khan para koishe ki company laga officials khan ahe kena leak toh rokhai deshe, hoile be aro utu jaga para he oil khan aro olai thake she koishe. Beshe ganda piche OIL laga manu khan aro ekbar leak toh rokhai deshe.
Enia beshe para leak ho toh, osor jaga khan te duk pa ase. Tail khan toh khete kurea jaga aro mas laga pani khan te gushe ja ase koishe, Dibrugarh laga Tingkhong jaga te. Aro tail laga gun karne, osor te thakea khan beshe gusa te ase. Tai khan compensation manea ase, family kun etu leak karne duk pa khan ke. Aro tai khan demand kurea ase, pipe nutun hale bole, aro mati laga betor te goshai debole.
Add Comment