Guwahati, December 13 : Assam laga Guwahati Central Jail laga official khan para khoon kora laga iljam te doshi paikina thaka ekjun manu kun olop homoi nimitey parole te bahar olaikina thakisey tai tu lapata hoikina asey koisey.
Jail laga authorities para report kurisey ki Mondeep Rabha koikina jail te buhi thaka ekjun manu tu tailaga ek moina laga parole(olop homoi nimitey jail para olabole izazat diya) khotom huwa picheyte lapata hoijaisey.
Rabha tu khoon kora laga iljam te sajai bhukti asey.
Taikey olop homoi nimitey tailaga ghor jabole nimitey release kurisiley hoilebi tai tu parole laga homoi khotom huwa picheyte bi jail te wapas naha hoisey.
Agey laga reports para koisey ki Rabha tu tailaga parivar logotey thakibole nimitey jail para olaisey hoilebi tai para parole laga homoi tu dusra maiki logotey bitabole laga ghatiya choice bi thakisey.
Police khan para etya Mondeep Rabha tu polabole kosis kuri asey naki koikina suspect kuri asey.
Mujrim ke bisarikina olabole nimitey ekta investigation suru kurisey.
Add Comment