Assam Police khan Para Heroin Drugs Durishe Koishe, alak alak Operation Te

Assam, December 29, 2024: December 27 laga din te, Assam Police khan para ekta gari ke rukhai she aru, yete taikhan 532.46 grams laga heroin drugs toh durishe koishe. Yete Drugs khan toh Gari laga alak jaga te rakhi kina ase koishe, aru yete market te toh Rs 3.5 Crore nishina laga dam ase koishe. Yete Police khan mun dikina kam kurea te, Assam Chief Minister Himanta Biswa Sarma para koishe ki, tai bishi khushi ase koishe, yete taikhan ekta manu ke durishe, aru 532.46 Grams lagA Heroin laga drugs durea nimete. Aru ageate bi, December 21 din te, Assam laga Special Task Force khan aru Cachar District laga police khan mili kina operation kurishe koishe, aru yete taikhan rati te kurishe Silchar te. Aru yete taikhan 60,000 Yaba Tablets nishina durishe koishe, aru Heroin drugs khan bi durishe koishe 125 Grams laga nishina. Yete Ekta manu kebi arrest kurishe koishe. Yete Durea manu laga nam toh Sahil Ahmed Lashar ase koishe, tai toh Cachar lagha sonai  te thakhea manu ase koishe. Tai etu drugs saman khan toh Motorcycle para loi ja homo te,taike rukhai kina durishe koishe. STF Chied Mahanta para koishe ki, etu durea laga Drugs khan toh market te bikai she koile Rs 20 Crore laga daam ase koishe.