Assam Police khan para Red Sandalwood Durishe koishe. Etu toh Rs 1 Crore laga Ase

Guwahati, June 15, 2025: Assam laga Gossaigaon Police khan para Tarika kurishe. Aru yetetaikhan para rati operation kuri kina Lal Khuri toh paishe koishe. Etu toh Telipara laga Toll Gate te. Etu durea laga Saman khan toh Rs 1 Crore laga daam ase koishe. Etu Operation toh Gossaigaon Sub-Divisional Police Officer Hiren Kumar Deka para led kurishe. Aru yete Assistance Officer in Charge Nitul Gogoi bi thakhishe koishe. Police khan para khobor paishe ki. Yete Lal Khuri toh Toll Gate laga osor ghor phane rakhi kina ase. Yete taikhan tarika kuri kina 28 lal Khuri pieces khan toh paishe koishe. Aru yete ekta te 35 kg nishina ase koishe. Etu khuri khan toh Gossaigaon Police Station te loi jaishe koishe Safekeeping nimete. Hoilebi etea tak Police khan para etu Ghor malik laga nam toh janai dea nai koishe. Aru yete taikhan parabi Investigation khan kurea ase koishe.