April 7, 2025: Assam Police khan para Shivshankar Prasad Bin ke arrest kurishe koishe. Tai toh UCO Bank te kaam kurea manu ase koishe. Dhubri Town laga South Salmara Branch te. Taike kile durishe koile. Tai toh Bank para Rs 34 Lakh nishina chor kurea nimete.
Bin toh Dhubri te thakhea manu ase koishe. Aru taike April 6 laga Phuzur te durishe koishe. Bihar laga Vaishali District, Saidpur Rajauli Bosti para. Authorities khan tai laga haat para Rs 10 lakh cash toh paishe.
Yete Dhubri Police laga team. IO aru Sup-Inspector Mehbub Ali para investigation toh loi jaishe koishe. Aru etu manu ke Dhubri Sadar Police Station te anishe koishe, April 7 din te. Hoilebi etea bi Rs 26 lakh nishina napai kina ase koishe. Etu nimete Police khan mun pura dikina tarika khan kurea ase koishe. Etu Poisa toh wapas pabole karne.
Add Comment