Guwahati, December 27 : Assam laga Barpeta district te police para ekjun youth ke social media te Paresh Baruah para chola ULFA-I ke support kora nimitey arrest kurisey.
Etu arrest huwa youth laga naam tu Mahidul Islam asey aro tailaga umar tu 26 years asey. Tai tu Assam laga Barpeta district laga manu asey.
Assam police para janaisey ki Mahidul Islam ke arrest kora tu ULFA-I ke promote aro support kora nimitey aro etu atangwadi group logotey gairkanooni rishta asey koikina declare kora nimtey asey.
Mahidul Islam para tailaga Facebook post te enaka likhisey, “ULFA- Independent jindabad, Paresh Baruah. Joi Aai Axom ( Ama Assam laga jai)” koikina likhisey.
Etu mamla te, Assam laga Barpeta police station te UAPA laga section 10(b)/39(2) under te ekta case register kurisey.
Add Comment