DIPHU | Sept 09, 2019: Karbi Anglong Khatkati te police khan para ekta assam police personnel kun ke camera te thurishe ekta auto chula manu laga haath para poisa luwa time te .
Etu video toh social media t viral hoishe aro alag alag jaka para manu khan etu te ghussa uthaishe.
Etu video te Assam Police personnel para auto driver kun ke thurishe koishe “Moina laga collection dibi koikena .Etu darek toh 14 hoijaishe akhe para hi manu khan dikena ase etia apuni dibole lageh.”
Aro driver para jawab dishe ki etu toh mui laga first trip ase .Etu police personnel ghussa uthikena koise “Apuni aji dibole hi lagibo.”
Etia Superintendent of Police, Karbi Anglong, Gaurav Upadhyay ke contact kurikena khobor paishe ki etu chamela toh tai juwa kali hi janishe.Police personel ke hataidibo aro tai uporte strict action lobo.
Aro tai koishe ki massive drive lobole ase auto driver aro dusra local taxi drivers khan ke etu MV act laga nutun provision janaidibole nimete.
Aro khobor dishe ki July 30 te etu Karbi Anglong laga journalists laga group khan to Manja Police checkpoint (16 kms Diphu) ekta clarification mangishe etu te authorities khan ke red handed thurishe truck chula hisaab te poisa luwa nimete.
Ekta concerned citizen koishe ki “Public khan ke security diya para toh police khan illegal activitie s khan te kaam kuri ase etu te bishi wala illegal activities toh Khatkati te hoi thakishe aro Nagaland te inter-state border laga te.”
Add Comment