Guwahati, October 2, 2026: Assam Police khan para 216.64 kg laga Ganja durishe Rowta jagate. Aru Railway Protection Force (RPF) khan para 1.052 kg laga Heroin durishe koishe duita passengers laga haat para. Tai duijun toh Kamrup Express te jai thakhishe koishe Kamakhya Railway Station para. Etu toh alak alak operation te thakhishe.
Rowta operation te. Police khan para gari ekta ke rukhaishe koishe. Aru Ganja paishe koishe. Etu saman khan toh 16 packets te packed kuri kina paishe. Yete duita manu ke durishe koishe. Aru Police khan para bisari kina Rs 1.73 Lakh poisa cash bi paishe koishe Dalgaon te.
RPF khan parabi duita Passengers ke rukhaishe koishe. Etu toh DN Kamrup Express laga Kamakhya Station te thakhishe koishe. Taikhan laga haat para 1.052 kg laga Heroin drugs paishe. Etu duita manu aru durea laga saman khan toh Government Railway Police (GRP) khan laga haat te didishe koishe Guwahati. Yete ahibole laga homoi te tarika khan kuribole dibo nimete ase koishe.
Assam: Police, RPF khan para 217 kg laga saman durishe
