Guwahati, 25 February : Indian Olympic Association (IOA) Monday din ekta ad-hoc committee appoint kuri dise jate Boxing Federation of India (BFI) laga kaam-kaj handle kuribo pare, karon BFI timely elections kuribo napara.
IOA laga itu ad-hoc committee Jharkhand Olympic Association laga general secretary Madhukant Pathak laga leadership te thakibo.
BFI laga vice-president Rajesh Bhandari, boxing officials DP Bhatt aru Virendra Singh Thakur, aru Assam laga boxer Shiva Thapa bi itu panel laga member khan ase.
Itu ad-hoc committee BFI laga affairs oversee kuribo aru “smooth functioning of its activities until the conduct of free and fair elections” ensure kuribo.
Committee laga primary kaam boxing community laga grievances address kuribo, athletes khan upcoming international competitions te participate kuribo ensure kuribo, aru BFI elections juntu bishi delay hoi ase, tai expedite kuribo ase.
IOA itu faisla itu karone loise, nohoile bi BFI laga current office-bearers laga tenure February 2 te officially khotom hoijai she, kintu election process ekta legal case nimite rukhi thakise. Itu legal case te previous election results BFI laga against te ruling hoijai she.
Add Comment