Assam rape: baba para traumatized hua teen victim tho kotha kuri bole napareh kui shae

August 25, 2024: August 22 din deh ekta 14 sal laka bacha keh gang-rape kuri di shae, Nagaon, Assam deh aro bacha laka baba para taila maike bacha tho kotha b kuri bole para taka nai kui shae, incident hui nah mila piche deh.  Minor tho itia Nagaon Medical College and Hospital deh admit kuri nah ase. Locals kan para Thursday din deh taike ekta semi-conscious state deh pai shae, main road deh, kuto taila bosti deh jah rasta ase. Jaka deh lights kan taka nai aro khali paddy files para surround hui nah taki shae. Maike tho taila buri ama, baba aro aunty lokot deh takeh, kile koile taila baba tho Guwahati deh kam kureh aro taila ama tho muri jai shae. Taila buri ama para tai tho jinta deh taki shae kui shae, maike tho tuition class para naha tho. Taila tuition class tho alak bosti deh taki shae, kuto 6 kilometers dur deh ase.  24 sal laka Tafazul Islam keh Friday din deh arrest kuri shae. Tai tho teentha accuse para ekta accuse hua manu ase. Alak tuita tho polai ase. Police laka isap deh, taike interrogate kura piche deh, Islam tho crime scene deh lui jia shae, hoile b polai jai nah pond deh dubi jai shae.