9th August 2023 deh Assam Rifles para Longlem bosti deh women empowerment rally conduct kuri shae. Etu event tho para 60 nishi nah bosti manu kan para attend kuri shae. Company commander para speech ekta di nah bosti manu kan keh welcome kuri shae. Taila speech deh event tho kile kuri bo lake aro kile kuri ase etu kan kui shae. Awareness rally laka march b ekta kuri shae kuto bosti laka playground para shuru kuri nah sob jaka deh jaishae. Etu rally deh manu kan placard duri taki shae kuto maike aro taikan lah rights keh promote kuri taki shae. Rally laka fundamental objective tho women rights laka awareness spread kuri bole taki shae aro maike kan nijor b decision lubo pare kui nah promote kuri taki shae. Bosti manu kan tho Assam Rifle kan etu conduct kura karne motivate kuri dishae aro kushi b paishae kui shae.
Assam Rifles kan Mon laka Village Authorities kan lokot deh security meeting lui shae
Assam Rifles kan Mon district laka S/Chingnyu, Chenmoho aro Tsangnyu post laka apex bodies kan lokot security meeting conduct kuri shae. 15 bosti laka representatives kan etu meeting deh participate kuri shae kute taikan aha Independence Day karne kotha kuri shae. Taikan aro bosti laka security situation karne b kotha kuri shae. Etu meeting tho bosti manu kan peace karne motot kuribo kui nah kotom kuri dishae aro etu hui nah taikan Post deh Lunch kaishae
Assam Rifles kan Tuensang deh blood donate kuri shae
Assam rifles kan Tuensang District Hospital deh blood donate kuri shae local manu kan keh emergency time deh pacha boleh. Choijun manu volunteer kuri nah hospital deh blood donate kuri shae local laka lives kan keh pacha boleh. Hospital laka authorities kan Assam Rifles etu kura tho kushi paishae.
Tuensang deh Assam Rifles para “Har Ghar Tiranga Campagin” pitor deh band display kuri shae.
Tuensang ground deh Assam Rifles kan over he bhal para Band Display aro Dog Show kuri shae Independence Day laka “Har Ghar Tiranga campaign” pitor deh. 860 school students aro 35 teachers kan choitha alak school para ahi kina performance tho sai shae. Etu perfromace tho Pipe Band aro Jass Band unit para kuri shae aro Har Ghar Tiranga laka message tho locals kan keh spread kuri taki shae.
Assam Rifles kan Phek laka Govt school deh Sports meet conduct kuri shae
Phek Garrison laka Assam Rifles kan paraReguri bosti laka Government Middle School deh Sports Meet conduct kuri shae 8 August 2023, Phek district deh. Assam Rifles kan peace aro harmony promote kuri bole koshish deh Phek district laka Reguri bosti deh Sports Meet conduct kuri shae. Etu event deh 71 students, 9 teachers aro bosti laka youth kan b bishi participate kuri shae. Etu event tho morning para shuru huishae aro alak alak events kan organize kuri shae. Event deh Musical Chair game, Triple leg run, Sack race, Jelebi race etc kan taki shae. Etu etu game kan kili nah students kan para melodious folk gana kan kuri shae. Assam Rifles kan b National Flag awareness laka lecture conduct kuri shae aro etu kuri nah attendees aro participates kan karne oath taking ceremony kuri shae. Event tho kotom hoa piche deh jita manu kan karne prize distributions kuri shae aro refreshment kan b dishae. School laka staffs, teachers aro students kan bishi enjoy kuri shae etu event deh aro tai kan etu conduct kura karne kushi paisha kuishae.
Assam Rifles kan Jessami, Ukhrul, Manipur deh pre independence celebration organize kuri shae
Assam Rifles kan “Peace & Liberty through unanimity” theme pitor deh Pre Independence Day Celebration manai shae. Etu event tho Government Higher Secondary School Jessami, Ukhrul, Manipur deh organize kuri shae 8 August 2023 deh. Government Higher Secondary School Jessami para 52 students aro 14 teachers kan Flag Hoisting aro Wreath Laying Ceremony attend kuri shae Jessami War Memorial laka jaka deh. Etu kotom hua piche deh students kan keh military vehicle deh buhi diki nah COB laka deh lui jaishae. COB pitor deh Flag hoisting aro Oath Taking Ceremony conduct kuri shae. Etu hui nah Drawing competition, Fun Games, Friendly Volleyball Match, Plantation Drive aro Lunch kan kuri shae. Etu event conduct kura karne school laka students aro teachers kan bishi kushi paishae aro Assam Rifles kan keh b gratitude dikai shae.
Assam Rifle kan indigenous Arts and Sports competition organize kuri shae Arunachal Pradesh laka Banfera bosti deh
Assam Rifles kan 9 August 2023 deh indigenous Arts and Sports Competition organize kuri shae students aro civilians kan karne. Etu event tho World Indigenous Day laka nam para Arunachal Pradesh deh Longding district laka Banfera bosti deh organize kuri shae. Etu event tho Banfera bosti laka students aro manu kan karne kurishae local Wancho culture keh preserve aro promote kuri bo karne. Students kan para local Wancho Dance diplay kuri shae aro kun ba local folk gana kan b kuri shae. Ekta Indigenous Sports Competition b student kan karne organize kuri shae kute taikan Bamboo Climbing, Tug of War aro Cane Walking kan kile shae. Assam Rifles kan para events jita manu kan keh felicitate kuri shae aro bosti manu kan para Local Wancho Culture keh promote kura karne kushi paishae kui shae taikan keh.
Assam Rifles kan Security coordination meeting aro appreciation ceremony conduct kuri shae Kipre deh
Assam Rifles kan ties aro security aro kara kuri bole koshish deh security coordination meeting aro appreciation ceremony conduct kuri shae, ‘Nation Building and Peace Through Unity” laka theme pitor deh Assam Rifles kan Kiphire laka Pungro sub division deh conduct kuri shae aro tate laka important stakeholders kan lokot meeting lui shae. Aha independence Day laka nam para security related kotha kan discuss kuri shae. Gbs, VCCs aro Yimkhiung Women Organization kan keh Nation building deh taikan laka role ki ase kui shae. Girl child laka education, society deh youth kan lah importance, women empowerment aro youth lah engagement kan laka matters highlight kuri shae. Etu event deh 45 stakeholders kan attend kuri shae aro taikan para Kiphire Battalion Assam Rifles kan keh peace, tranquility aro harmony raki bo karne support dishae.
Assam Rifles kan Awareness Campaign aro anti-drug march organize kuri shae Wokha laka Baghty town deh
9 August 2023 deh Assam Rifles kan para aha independence Day karne Awareness Drive aro Anti-Drugs march organize kuri shae Baghty laka Montfort School deh. Etu event deh Montfort School laka 102 students, 6 teachers, VCM laka 40 members aro Baghty town laka gen populace kan para attend kuri shae. Awareness and Anti-Drug march, Posters kan paste kura, Distr of Awareness Pamphlets aro Refreshment kan activities taki shae conduct kura tho. Etu program tho local populace kan keh drugs laka harmful effect janai dibo leh taki shae. Local Populace, VCM, students aro Montfort school laka staffs kan para Assam Rifles kan etu kura tho acknowledged kuri shae aro kushi paishae.
Add Comment