February 8, 2024: Assam Rifles Civic Action Program for the financial year 2023-24 laka initiative pitor deh, Assam Rifles kan para Mutinkhong village, Kiphire laka District Government Primary School renovate kuri shae. Mutinkhong village tho ekta vital border village ase Indo-Myanmar region deh. Renovation laka kam kotom hua piche deh school tho finally ready hui jai shae aro February 6 2024 deh school tho bosti keh di di shae.
School kuto ekta bia state deh taki shae, etu school tho ekta transformative makeover pai shae Assam Rifles laka kam pitor deh. Etu mohina lamba project deh desk, benches, tables aro electric fittings laka provision taki shae. Darwaza aro window laka basic repair b taki shae, bangi jah plates laka replacement b taki shae aro pura roof karne nutun tin sheets install kuri bole laki shae.
Initiative laka impact tho khali structural heh taka nai, bosti manu kan b kushi pai shae etu hua tho. Community para taikan laka kushi tho express kuri shae Assam Rifles laka motot pah karne. Project tho khali school infrastructure keh uthai dishae enaka nahoi, hoile b security forces aro local community laka majo deh bon tho aro kara kuri di shae.
Add Comment