Assam Rifles kan Nagaland deh breaking the silence campaign keh organize kuri shae

October 11, 2024: Assam Rifles kan Aid Care Trust Support Foundation, Miss Northeast 2023, Miss kenei Ritse, Miss Nagaland 2023, Neiketuno Sechu aro Miss Nagaland 2022 Miss Hiklai Achumi lokot deh milai nah, Breaking the Silence Campaign organize kuri shae, Patkai Christian College, Chumukidima, Nagaland deh. Etu event tho 10 October 2024 din deh taki shae. Event deh Patkia Christian College laka students kan bishi participate kuri shae. Occasion karne Chief Guest tho Major general Manish Kumar, SM**, Inspector General Assam Rifles (North) taki shae. Tai para drug abuse laka against community kan dangor role kili bole lakeh kui shae.  Taila speech deh Chief Guest para sob manu eki lokot deh kam kuri bole lakeh kui shae, ekta drug free environment ban abo karne.  Miss Northeast 2023, Miss Kenei Ritse, Miss Nagaland 2023, Miss Neiketuno Sechü aro Miss Nagaland 2022, Miss Hikali Achumi kan para drug abuse deh b taikan laka views kan share kuri shae. Event laka key highlights kan deh Burakum Ao, Director, Aid Care trust Support Foundation laka address taki shae, kuto students kan karne taki shae.  Tai para Assam rifles kan laka kam kan laka b kotha kuri shae, kutu drug abuse laka against ase. Patkai Chirstian College, Assam Rifles Jazz Band  aro Nagaland laka legendary singer, Imna Yaden para performance kan b di shae kuto para audience kan keh hilai di shae. Chief Guest para Miss Northeast 2023, Miss Nagaland 2022; 2023, Aid Care Trust Support Foundation Nagaland (Organising Team), Principal Patkai Christian College aro Mr Imna Yaden kan keh facilitate kuri shaem taikan laka contribution kan karne. Event laka nam deh Chief Guest para ekta bike event keh b flag kuri shae, drug abuse laka awareness uthai di bo karne. Tetso Motorcycle Club laka members aro Patkai Christian College laka students kan rally deh participate kuri shae.